唐詩詠噚日喺尖沙嘴行婚紗騷，佢日前同舊愛崔建邦約會，問佢會唔會同崔建邦重新發展？佢話：「唔會啦，佢冇實質行動我係唔會去諗。」係咪仲等崔建邦？佢話：「我唔會放棄自己個森林，都有識吓新朋友，緣份要慢慢嚟，唔想太快到。」問佢係咪仲放唔低崔建邦？唐詩詠話自己已經放低好耐，仲話唔想浪費自己嘅青春喎。
