配合外圍消息，港股上禮拜五大幅反彈412點，報收22171，同日花旗股市下跌115點，或會影響今早港股開市嘅氣氛。
港股由月初回落累積跌幅超過2000點，喺低位整固6日後炒上，成交大增，應該會上試22530至22700。溫總出訪歐洲前表示「有信心價格上漲將在今年得到有力控制」，意味收緊銀根政策結束，刺激經濟措施將出台。
比亞迪C輪11092：比亞迪（1211）現價24.05元，升5%。「撤限購令」傳聞推高車股只係藉口，重要嘅係中央若刺激經濟，汽車股必然受惠，因為汽車涉及好多零部件，拉動作用好大。比亞迪技術現突破，料上試26.20元，可以諗吓隻C輪11092。
隻輪現價16.6仙，2011年10月12日到期，行使價25.88元，溢價14.5%，引伸波幅44.7%，槓桿率14.5倍（有效6.3倍），正股見26.20元，11092睇27.4仙，正股跌穿23.20元就沽咗隻輪。
俊樺