聲稱與陳冠希有情慾MSN鐵證的黃榕（Gloria），最近除了努力發功平反被指抽水博宣傳的帽子外，也力谷她下月推出的處女寫真，對於這本遲來的寫真，黃榕說：「我梗係好期待喇，就算當係為自己留個紀念都好，全部都係靚人靚景，有兩個朋友專登幫我設計啲性感內衣同泳衣，最激咪係冇衫着囉，用隻手遮住半裸上身呀！」她又說：「其實我一直都想出寫真，但係嗰陣又唔興呢啲嘢，今次咁啱遇上一個志同道合嘅攝影師，咪一拍即合。」
盼出大肚寫真
不過，講到年紀比其他o靚模對手大，黃榕很有信心地說：「唔同感覺嘅，我覺得唔同年紀有唔同嘅味道，唔使全部都睇o靚妹，可以吸納啲唔同嘅fans，最好每個年紀唔同嘅珍藏，我最想係出一本大肚寫真。」至於寫真集的宣傳攻勢，黃榕直言已經準備了一套曾經着過的泳衣，留待沙灘宣傳上送給fans。
採訪：何慧斯 攝影：陳順禎
Profile
黃榕 Gloria
年齡：30歲
三圍：34B、23、34
身高：5呎3吋
體重：92磅
經驗：曾擔任成人網站Web-J，04年與雷凱欣合組SexyDoll，孖咇拋胸上位。06年黃榕加入林祥焜率領的高潮樂隊當主音，性感出騷。近日她爆料指淫照風暴後，舊愛陳冠希約她到酒店密會。
資料來源：《蘋果》資料室
