英國球手梅禮身負全國奪冠嘅希望，之不過佢近日就有啲唔開心，皆因佢知道咗媽媽茱迪（圖）竟然唔係自己嘅忠實擁躉，對「大隻仔」西班牙球手盧比斯甚為「嗒糖」，仲喺對方嘅Twitter度留言。梅禮知道當然唔高興，如果佢周一喺16強贏波之後，好大機會喺8強鬥盧比斯，屆時茱迪幫敵方打氣嘅話，梅禮唔激死都難啦！