【本報訊】有小巴業內人士向記者稱，最賺錢的荃灣至觀塘線，目前入線費約40萬元，司機每月要另付9,000元管理費，若以40輛小巴計算，黑幫單是入線已穩袋1,600萬，每月再有30多萬管理費，收入可觀。小巴這「肥肉」已成為各黑幫爭奪對象，亦曾掀起連場惡鬥。近年有「食腦」黑幫自組「公司車隊」，以租車形式操控司機，逃避法律責任，趕絕行家。
公司車隊趕絕公海車
據悉，近年有黑幫自組公司，先向車行租用數十部小巴行走同一路線，再將小巴租給司機，「收入線費會被差佬捉，但以公司名義租車畀司機，租金通常貴幾百，好似千二加到千五，多出三百就係保護費，差佬好難舉證」。公司車隊甚有組織，設定每班車開車時間，司機以通訊機聯絡，互報消息，「除咗避抄牌同塞車位置外，佢哋又會夾計『挾』行家，前車行慢啲撈客，後車開快啲『推』車，唔係車隊成員，冇啖好食。部份車隊連同路線巴士開咗幾耐都計埋，游出水面啲魚（乘客）幾乎全被佢哋撈走」。部份車隊有call車及轉乘服務，「打嗰電話講你所處位置，公司會通知路經小巴留位，又可以免費坐車到總站搭開出班次」，這些亦是黑幫趕絕公海車手段。