英國土生土長樣子夠晒Chok的青蛙仔，五十二年後獨個兒離鄉別井去到一個曾為家鄉殖民地的地方過新生活，經半年時間正式取得居留權入籍後，首度出外郊遊，經過十公里遠處，走到山上最高峯，拜訪齊天大聖馬騮仔。點知馬騮仔發現唔夠青蛙仔靚仔，仲俾佢搶晒風頭，當堂立刻無眼睇。
記者：錢綽芝
攝影：林栢鈞
Model：Hazel@GME
車輛提供：TopsAutoEngineeringCo.
升值廿五倍
其實青蛙仔老爺車在香港可以話相當罕見，這部1959年製造的Austin-HealeySprite屬於第一代，雙門設計，引擎948cc，由四氣缸推動，制動系統為前後鼓煞。這一代車到1961年已經停產，由於其大眼頭燈設計猶如一隻青蛙，所以他的外號叫Frogeye青蛙仔，當年售價約669英鎊。雖然青蛙仔年屆五十有多，但因為歐洲人對保養老爺車別有一格，他們喜歡在自家車房一手一腳去作維修保養，以保養汽車為樂趣。直至車主年紀漸大，才會將自已的心血寄賣在老爺車公司，希望有人能夠傳承下去，繼續保護他的寶貝。新車主葉先生一向喜歡收藏老爺車，對Austin-HealeySprite更情有獨鍾，去年無意中在英國一間老爺車公司網頁發現這部經典平民開篷跑車，立刻親身飛往英國購入，去年十二月亦正式移民來港。經過小型維修、運輸署驗車及繁複的入口車手續，半年後終於正式出牌取得香港身份證，葉生前前後後共花費了約二十萬港元。計起上來，舊價同新價相差約廿五倍，升值果然強勁。
新淨程度媲美新車
這部青蛙仔來港前更只得兩手車主，上一手是一名年屆七十的機械工程師，正因如此，青蛙仔的引擎及車身、以至內櫳都相當新淨。車尾箱及士啤呔在座位背後，而車廂內的地圖燈亦運作正常，原裝摩托羅拉收音機仍保留至今。由於速度錶是以英里計算，葉生自行以絲網印刷換上公里標誌來符合本港驗車要求。至於車內座椅是在英國翻新，成功保持原有的懷舊味道，再打開引擎倉，更發現90%新淨的引擎機器可媲美新車。今時今日老爺車不再是貴族玩意，一般收藏家都可以負擔得起，保值能力又可漸漸提高。若然老爺車只用作收藏，更可透過本港老爺車會發出之證明書購買保險後，向運輸署登記一年12日的老爺車行街紙，免卻好多繁複手續，牌費又平得多。其實要潮玩一部有型有格的老爺車並非難事，出街夠威之餘又可保值，抵玩過買新車啦。
「維修老爺車是一門藝術，要每件每件零件組合上去。由於一般車齡已有幾十年歷史，大部份正廠零件雖然已停產，但副廠零件亦有供應，只要電郵到當地零件廠，就可利用公模再造一件零件，所以不存在找零件的困難。」
1959年Austin-HealeySprite
引擎：948cc四氣缸
速度：0~97km/h需要20.5秒
極速：133.4km/h
當年售價：669英鎊（約8,400港元）