「啲狗見到你會搖頭擺尾，開開心心，唔會歧視人，唔會虛偽，唔會同你算住算住。」德叔直言不愛與人相處，「從來冇知心朋友，對人冇晒信心」，只因從前曾被出賣。
他說，年輕時做地盤賺了一點錢，在粉嶺坪輋用3萬元買了一間木屋，打算接內地妻子及4歲兒子來港團聚，詎料一次回鄉返港時，卻被警方拘捕。「我借咗間屋畀個死黨暫住，點知佢用嚟製毒，俾警察拉咗。佢有錢請律師，個師爺同我講，案發地點係我屋企，點打都打唔甩，叫我攬上身，都係判幾年啫，又話會畀番30萬安家費我，結果我判咗15年，個死黨就判兩年，我係俾人出賣」。
「同狗做朋友，好過同人」
入獄之後，終日與重犯為伍，見盡恃強凌弱，人情冷暖。坐到第7年監，妻子探監，「佢話要分開。我冇傷心，都預咗，冇問原因，亦冇挽留」。
03年出獄，接受監管期間到兄弟家暫住，他說那段日子更苦，「住咗年幾，寄人籬下，遭人白眼，又搵唔到工，同兄嫂關係好差」。04年，自感「冇人冇物，想置番頭家」，經朋友介紹與一名有16歲兒子的失婚內地婦結婚。兩年後申請到粉嶺公屋，遂申請妻兒來港，但雙方根本沒感情。去年，妻子終獲單程證，到港後第一件事就是提出離婚，他最後將公屋單位留給兩母子，自己搬到朋友的舊豬欄鐵皮屋獨居，平日在屋外的空地種些瓜菜食用，原打算在這裏與愛犬「上校」相伴終老。
「同狗做朋友，好過同人。」德叔淡淡然道出半輩子「失敗人生」的領悟。《蘋果》記者