鋒芝由相愛結婚到生了兩個可愛兒子，及至現在辦離婚，無不轟烈。二人如今分手已成定局，娛圈藝人昨在微博及訪問中也各有說法！
譚詠麟：真係唔明點解兩個人嘅事，尤其是感情會有咁多局外人說三道四。畀時間他們冷靜處理，始終兩位人生還有漫漫長路，反轉豬肚就正中八卦者下懷！又從報章上版面的擺位就可反映出香港人的八卦指數，真的是no.1！
黃日華：最不願看見這樣的結局！真的冇彎轉嗎？請好好商量商量，縱使只有絲毫的希望，亦祝願你倆能破鏡重圓！
謝雪心：希望佢哋都可以幸福，我都成日同個女分享心事，只要打開心扉，乜嘢事情都係可以解決o架。
張致恆：都係嗰句唔到我哋理，係佢哋家事，會祝福佢哋，我擔心佢哋整個family，會幫佢哋祈禱，今日唔知聽日事，可能會生多個呢。要抱住樂觀態度去睇，大家都唔好畀太多意見，免得影響佢哋。
詩雅：佢哋離婚好可惜，作為局外人唔可以做乜，只可以祝福佢哋。