所謂「新官上任三把火」，波亞斯擔任車仔新帥僅僅5日，已炒咗一隊教練、軍醫同埋體能教練；另外佢為咗證明自己嘅厲害兼公正唔偏私，據《世界新聞報》報道，波亞斯打算以3,600萬鎊（約4.5億港元），截劫烏甸尼斯翼鋒阿歷斯山齊士（圖）。波亞斯都算把炮，雖然阿歷斯山齊士講明心繫巴塞隆拿，但波亞斯都成功同佢見面，而且仲講到山齊士心郁郁㖭！