梁思浩之前去咗泰北探孤兒，點知前日佢突然喺微博留言話自己遇劫入院，昏迷咗兩日，佢仲貼咗張瞓喺醫院嘅相，嚇到唔少好友紛紛留言問候，但後來梁思浩嘅好友陳煒就更正話佢係遇溺肺積水入院，入院原因疑幻疑真。
上載新相報平安
噚日梁思浩再度喺微博報告自己最新狀況，原來佢已經第一時間返咗香港做咗檢查，梁思浩留言話：「多謝大家關心，令大家擔心真抱歉，昨天忍痛暫停探訪之旅，已經秘密返港了，也經過醫生詳細檢查，現在好好休息中，在此多謝航空公司特別安排，多謝各界傳媒朋友的問候，圈中好友們及粉絲們的關心，思浩在此向大家說聲：感激你們每一位！」梁思浩亦有貼上一張自己戴帽戴黑超同戴口罩嘅最新相片，不過講真，真係唔係點睇到佢個樣係點，但可以上網留言，相信都冇乜大礙。