【鋒芝婚之全城熱話】變由一開始已是全城茶餘飯後的焦點，娛圈人也各有看法。事件發展至張栢芝數臭謝霆鋒扮好男人，謝霆鋒發聲明着手處理離婚，更是引起全城熱話，黑人陳建州直言要撐栢芝到底，霆鋒前女友趙學而則力挺霆鋒是個保護家人的好人，不過無論挺鋒定挺芝，大部份人都希望大人們能照顧好Lucas及Quintus兩位稚子的感受及生活，始終小孩是無辜的。
黑人陳建州（栢芝好友）：不管未來發生任何事，做朋友的我們一定會在你後面支持妳的……也希望媒體可以給他們空間，好好的處理人生中碰到的困難！當你覺得寂寞孤單，你的心將要破碎……要記得我們在為你禱告！栢芝加油……
鄭欣宜：兩位都成年人，一段婚姻唔得，勉強一齊都未必好事，佢哋為自己做決定最正確，我又單親家庭，霆鋒又係，栢芝都好似係，我哋都係正常人，應該唔會影響，佢哋都會照樣咁錫小朋友，離婚唔代表減少對小朋友嘅愛。
趙學而（霆鋒前女友）：人家家事我當然不懂！但我認識的霆鋒是個很保護家人的人！這點，我挺！童鞋們別激動，我只說了我所認識的，況且我不認識謝太太，人家的家事我們沒權利評論，這樣子對他們任何一方都不公平。
薛家燕：睇住霆鋒長大結婚生仔，今日睇到栢芝講嘅嘢有啲心痛，唔想呢個家分離，完整家庭對小朋友好重要，希望可以有彎轉，自己都經歷單親，如果無奈要分開萬事要以小朋友着想，呢段時間我都冇同拉姑四哥聯絡。
梁漢文（霆鋒好友）：個人比較擔心兩位小朋友，希望佢哋搵到最好解決方法，佢會明白朋友對佢關心同支持，我認識嘅霆鋒係鍾意打機，但唔會因為呢樣而疏忽小朋友，例如有時我哋聚會霆鋒雖然表面好cool，但都好關注小朋友，所以睇到嘅報道所講未必全部都啱，例如戴黑超同疏忽小朋友。
劉浩龍（霆鋒好友）：我一直都冇留意呢件事，而且冇就呢件事問過霆鋒，作為朋友喺呢個時候唔會騷擾佢，總之希望大家開心。
伍允龍（霆鋒好友）：我唔覺霆鋒會因為打機唔理屋企人，其實我哋平日一齊打機就好少提到私人事，大家都係兄弟，心照就算，佢嘅家事唔方便回應。
