有無諗過，街市賣唔晒嘅瓜菜會去邊？無錯！係堆填區。香港每日會丟成噸菜，但同時有好多人連買餸錢都無。想學紫荊俠行善，但又無財力，不如身體力行，同張繼聰一齊，跟地球之友同「食德好」去街市回收蔬菜，再煮幾味，幫到人自己又開心。
記者：吳韻菁
攝影：林栢鈞
鳴謝：地球之友、食德好回收銀行（39725262）
查詢：http://www.greenhongkong.org
舊菜分類轉贈
食德好食物回收計劃其實是每星期到街市兩次，回收菜販那些賣不去準備丟的蔬菜，再將仍可食用的轉送給有需要人士。這計劃已實行了兩年，負責的就是食德好四朵金花Zoey、Bella、嬌姐和尚珍。上周三，她們便與地球之友合作，找來張繼聰擔任大使，和一眾義工於放工後到太和街市收菜。張繼聰大讚此活動有意義，即使流汗搬菜也無怨言。
Bella話初時向菜販介紹這計劃時，反應很冷淡，菜販恐防他們轉售圖利，寧願將菜混入垃圾丟掉。於是Bella等就摷垃圾，撿回可食用的蔬菜。「我哋日日去，用行動解釋，有次落大雨我哋都堅持收菜，終於感動到佢哋。」現在菜販肉販很支持這計劃，一見Bella等推來車仔，就送上蔬菜和肉類，見到這場面，實在令人感動。
其實回收的蔬菜全都很新鮮，為甚麼要丟呢？菜販潘先生：「啲菜濕過水，放到第二朝就會爛，都係要丟，不如拎去幫人！」今次收到的菜近300公斤，義工不停地將菜分類，約可分給100人；而爛掉的則送去粉嶺馬寶寶社區農場做有機堆肥，至於肉類就送去流浪狗場，絕不浪費。
食德好亦會準備低碳午餐，邀請街坊同吃，每次都有六餸一湯及糖水，用剩的菜會製成醃菜，一點都不浪費。而食德好於七月舉辦食物回收導賞團，可一同參加齊齊做個「有衣食」的人。
番茄炒豆卜
張繼聰喺食德好嘅姐姐指導下炒番茄，大家睇得好開心。近年開始茹素的張繼聰亦大讚好味，豆卜又滑又多汁。
材料
番茄（一開四）1斤、豆卜4両、葱段數條、蒜茸/薑茸各2湯匙、生油/鹽/糖各少許
做法
1.開大火，燒熱鑊落油，先爆香1湯匙蒜茸及薑茸，加入豆卜，炒至軟身，盛起備用。
2.原鑊落油，以大火爆香1湯匙蒜茸及薑茸，加入番茄炒至出水，再加入豆卜快炒，下鹽、糖調味炒至收汁，盛起加上葱段即可。
味噌燜白豆角
白豆角比較韌性，所以用燜焗的方法煮最好，加埋味噌更有香味，連鹽都唔使落！
材料
白豆角（折段）1斤、蒜茸/薑茸/紅辣椒（切碎）各1湯匙、味噌醬2湯匙、水/生油各少許
做法
1.開大火，燒熱鑊落油，先爆香蒜茸、薑茸，再加味噌醬炒散。
2.加入白豆角炒勻加水，炒至豆角半軟身，轉小火冚蓋焗15分鐘，盛起灑上辣椒碎即可。
鹽燒茄子
燒茄子要先煎香再落油，否則多多油都唔夠佢索！只係加咗鹽同胡椒粉嘅茄子，居然好味到小記同攝影大佬一試再試，正！
材料
茄子1斤、生油/鹽/胡椒粉各少許、紅辣椒（切絲）適量
做法
1.茄子切片。開中火燒熱鑊，放入茄子，兩邊煎至七成熟後落油。
2.加入胡椒粉、鹽，將茄子煎至全熟，盛起灑上辣椒絲即可。
南瓜薯仔雜菜湯
又收菜又要煮，辛苦完一輪有碗湯飲，真是特別窩心。即使沒有肉，湯水都清甜好味。
材料
薯仔/南瓜/紅蘿蔔各1斤、粟米2條、老薑1両、西芹1/2斤、洋葱11/2個、鹽/生油各少許、水20碗
做法
1.西芹撕筋；薯仔、紅蘿蔔去皮；南瓜去瓤，全部切成小件。
2.粟米折段、洋葱去皮切粒。
3.開大火，燒熱鑊落油，爆香洋葱、薯仔，盛起備用。
4.開大火煲滾水，放入所有材料，待再滾起後，轉小火冚蓋煲11/2小時，落鹽調味即可。
