陳柏宇日前夥拍靚女模特兒拍攝新歌MV，繼與33Co靚模Jeana火辣埋身戰後繼續享受艷福無邊，但今次只是與嫩口模特兒蜻蜓點水式親面，拒再令親熱度升溫，直言擔心自己老人家，難以負荷與年輕十載的靚女親熱。
陳柏宇日內推出新碟，日前公司專誠替他找來一位陽光氣息很重的18歲模特兒Karena，與陳柏宇合作拍攝新歌《讚讚自己》及《尊嚴》MV，Karena為了配合陳柏宇高度，刻意穿上平底鞋，認真識做。
抱女嗌手軟
兩人拍攝MV時有不少親暱場面，包括抱抱及親面，陳柏宇要多次抱起女方，但連抱三次之後他即表示手軟。早前陳柏宇為了拍電影與33Co靚模Jeana赤膊床戰，場面火辣誘人，今次又有幸與靚女合作，絕對是艷福無邊。
「再激都試過」
快滿28歲的陳柏宇說：「之前拍電影最激烈，今次有少少親面，劇情未去到呢個地步，我老人家負荷唔到，加上同佢相差十年，有親熱幾奇怪。」陳柏宇表示自己理想對象年齡是介乎23至30。
陳柏宇現時不會抗拒跟女藝人有親熱演出，跟過往作風有異，他解釋說：「家唔會抗拒，劇情需要有交代，可能入行已經五年，除咗第一年拍過電影外，就係今年，而且再激都已經試過啦，唔係一件尷尬事。」湊巧一連串工作安排都有靚女相陪，陳柏宇多謝公司安排，但他表示沒有特別要求要跟誰合作。
採訪：卓寶花
攝影：陳俊強
