任賢齊噚日45歲生日，佢喺微博貼咗張切蛋糕相，話要感謝親朋好友嘅熱情祝福。因為小齊之前同個仔一齊拍廣告時慶祝咗農曆生日，所以噚日只係同家人、同事慶祝，夜晚再同家人食飯。小齊之前喺內地拍完戲，家放幾日假，然後等杜琪峯拍咗兩年嘅《奪命金》再開工，小齊講笑話：「生日願望係阿杜部戲可以喺今年拍完，哈哈。」