查小欣寸謝賢惡晒

查小欣寸謝賢惡晒

查小欣和陳敏之等前晚到將軍澳電視廣播城錄影《大廚出馬》,近日鋒芝婚變鬧得熱烘烘,查小欣早前因在電台爆料而被謝賢狂轟,前晚問到鋒芝是否有新進展時,查小欣即語帶雙關說:「冇新消息,自己邊敢問,唔驚人哋一巴打到你黐埋牆,無論當事人、身邊人,我都冇聯絡,要避嫌疑,亦都冇打畀拉姑,講乜一漏咗又關我事,邊個要講自己會打畀我,無謂搞到尷尬啦。」
因拍《怒火街頭》而人氣升的陳敏之,笑言不少觀眾都將此劇視為其代表作,她更自爆日前獲途人力讚做得好時而感動落淚,並揚言跌斷骨也十分值得。有指她將會與男友結婚,她就否認其事,並說:「冇講過結婚,家想多啲工作,結婚係套餐,想生BB先結,家順其自然。」
採訪:文國駿
攝影:葉君海