我以前對陳豪真係冇乜好感，可能係佢喺電影裏面角色唔多討好啩，但係自從佢轉做電視之後，對佢嘅印象即刻改觀，越睇越順眼，仲發現佢做笑戲，原來好好笑，個人覺得最好睇嗰齣，係同周麗淇合作嘅《秀才遇着兵》。近排佢有唔少廣告出街，又寬頻又西餅，而佢代言嗰間餅店我平時甚少幫襯，不過由於係佢代言，有機會真係買嚟試吓。
女子世盃聽日開波，我係德國隊粉絲，連帶佢哋女隊亦鍾意埋。好記得喺上屆，德國妹喺第1場波就大發雌威，送咗11隻光蛋畀阿根廷班囡囡。佢哋班主力年紀確係唔細，好似射手佩蓮絲就成33歲，但係隊波拍落加拿大度，仍然高幾班，一於瞓身支持。
青蛙仔
星期日14
德國女足vs加拿大女足
心水：德國女足勝[-1]
心得：大人同細路踢