裕美同韓馬利噚日喺灣仔出席一個美容中心嘅活動，擔任代言人嘅裕美更少有地騷出事業線，現場見佢面都尖埋，問佢係咪玩加工打botox？裕美就話：「係我大個咗，收咗水啫！」裕美仲話，女人有身材係值得自豪嘅事，可以騷吓quali，但就接受唔到隆胸同整容喎，佢話：「我好怕會同每個人嘅樣都一樣，同埋又驚自己老咗仲核突囉。」