杜宇航日前去咗吉隆坡為無綫嘅《功夫新世代─馬來西亞選拔賽》做評審，敖嘉年都有出席，佢就去咗做表演嘉賓，仲即場唱咗首《巾幗梟雄之義海豪情》。佢兩個又分別表演長劍同長拳，精采嘅表現博得全場掌聲。至於比賽結果，就係擅長形意拳嘅蔡傳武憑11年武功造詣同震撼嘅舞台表演，喺60位參賽者中脫穎而出得到冠軍。