早幾日，如果球迷有留意我哋個〈體育驚奇〉版，都應該睇到個有關「畀你貼」嘅專題介紹，我呢啲乜都儲一餐淨係唔儲錢嘅死仔包，梗有買過敗家過，唔怕話你知，家吓已經廿到尾都仲有玩，不過近來熱情減退晒，可能自己識得人少，抽埋一大堆相同嘅又冇人同我換，戇居居冇咩意思；反而買吓AKB啲CD、DVD，好多時候都會送成員嘅靚靚相，唔好以為係信和3蚊張cheap雞嘢，畀你抽到啲紅嘅，可以炒到成兩嚿水一張，咁隻碟就已經差唔多回到本，仲有唔少專業炒家㖭。
小朋友嘅玩意幾時都咁值得懷念，U21都唔係人人可以打幾次，去到最後階段，整場季軍戰捷克對白俄羅斯開「大」先。
守丹
星期六11
捷克U21vs白俄羅斯U21
心水：捷克U21大
心得：季軍戰多波入