呢排新股興鬥大，由行李箱到商品交易所，個個都話係全球最大，家就輪到中國最大大賣場高鑫零售（6808）嚟上市！講開高鑫，佢旗下兩個品牌，一個大潤發一個歐尚，但點解公司大號叫高鑫咁唔「喇更」呢？原來係大老闆、人稱「台灣胡雪巖」嘅尹衍樑（圖）搵高人算過先改呢個名喎。
高鑫執董黃明端話，大老闆之一尹衍樑好信風水，所有公司改名都會特登搵高人算一算，好似高鑫個鑫字，風水先生話，係寓意越來越多金咁解，佢仲話，除咗起名，開舖前佢哋都會搵嗰位高人嚟睇睇，研究吓有冇邊個位需要放啲乜嘢，咁耐以嚟sofarsogood啦。
講番尹衍樑，佢係潤泰集團總裁，爸爸做紡織起家，1975年交棒畀佢，到2008年，佢喺福布斯台灣富豪排名排第30位……睇嚟華華都要搵高人改過個名，唔知鑫淼好唔好呢?