謝家人冇得見Lucas及Quintus，但葉佩雯卻有得見。葉佩雯前晚與徐濠縈及劉浩龍等於中環撐何超儀音樂會，葉佩雯起初見記者頗迴避，後來也主動說：「我知你哋想問乜，之前我係有見過栢芝，耐唔耐都有探佢，啲報道好誇張，佢好唔開心。」
「望兩邊都開心」
葉佩雯謂探望栢芝時，栢芝正感冒不適，葉佩雯說：「我見到佢啲小朋友，仲同佢哋玩㖭！」問她是否到陽明山莊見栢芝？葉佩雯不肯透露。Lucas等是否很想念父親霆鋒？葉佩雯說：「唔知呀，冇講。」栢芝有否談到離婚一事？葉佩雯說：「冇講冇問，佢兩個都係我朋友，作為朋友，希望兩邊都開心。」
與鋒芝稔熟、當日見證兩人結婚的EricKwok昨日接受電話訪問時表示，一直有和鋒芝聯絡，知道事情發展，但拒絕透露詳情，他指沒法做中間人，要靠雙方自己解決，他也不會偏幫任何一方。
Eric說：「呢個時候，兩個都要幫。」作為好友，他坦言覺得可惜及遺憾。鋒芝隨時離婚，對一對囝囝難免有影響，Eric說：「今時今日，我哋70後好多人嘅父母都離婚，呢啲嘢好平常，只要佢哋父母悉心takecare，會冇事嘅，好common。」
採訪：馬建華、駱華齡
攝影：林德雄