下月將開演唱會的李克勤以往在TVB曝光爆燈，到唱片版稅問題弄至TVB契仔也要銷聲匿迹，飽經風霜的克勤不擔心影響事業，反觀有更多家庭樂時間陪伴囝囝感到開心。提到兒子會否繼承衣鉢，克勤說：「唔知下一代有冇呢個運，最好唔好唱歌。」
回顧從參加十九區業餘歌唱比賽至今的路途，克勤自覺對工作的態度一直是認真，若要分出界線，那便是婚前會拼搏工作，當了父親後工作上便變成重質不重量。年輕時，克勤自言對工作緊張，往往要定下高目標要求結果，現在變成懂得享受工作過程。
寧陪伴兩兒成長
克勤說：「家工作重質不重量，令我有更多時間留意過程中嘅細節，以前開演唱會冇諗其他人，只係將自己感覺加入去，到今日就會享受以觀眾角度去睇，同觀眾更貼近。」曾被視為TVB契仔，到今天因五大唱片公司版稅問題，令契仔克勤也逼不得已在TVB銷聲匿迹，克勤坦言早段甚不習慣，為何工作期表上少了很多入電視城的工作，他說：「慢慢我又覺得都唔錯，以往周六日嘅家庭聚會唔使預我，家多咗好多家庭聚會時間，陪多啲小朋友成長。」
會否成為第一人續約TVB，克勤笑說：「冇諗太長遠，家多啲時間同小朋友幾好，簽約與否交畀公司去決定。」早前演唱會記招上透露囝囝會唱他的歌，問到囝囝有沒有天份繼承父業？克勤笑說：「我唔係好想，其實做乜唔緊要，最緊要健康開心，好波不如好運，做呢行無論你幾賣力，冇天時地利人和配合都唔得，我係一個好好運嘅例子，唔知下一代有冇呢個運，所以最好唔好唱歌。」
拍MV自製浪漫
此外，克勤日前拍攝新歌《天河》MV，為了營造漫天星海的感覺，過程中要他摸黑碌地，不過克勤沒有怨言：「我都有一段時間沉迷追流星雨，估唔到家都有呢種感覺，好似賺咗幾分鐘嘅浪漫！」
採訪：馬建華
攝影：陳志嵐
服裝：HarveyNichols
化妝：Angel 髮型：Adol