惠英紅、林建明噚日出席洪羅拔喺尖沙嘴搞嘅創作藝術展，小紅開口講嘢突然變咗黐脷筋，原來佢戴咗牙套影響發音，佢話之前拍電影《心魔》時，唔小心撞到一隻門牙，成隻牙移咗入去，仲有啲發黑，初頭仲驚係傷牙筋，睇牙醫話冇咁嚴重，但要戴牙套9個月，每日戴足20個鐘，拍戲戴唔到咁長時間，影響康復進度，家要戴足18個月。