花旗股市喺12200關前遇阻回落，部份原因係伯南克嘅言論對經濟偏於悲觀，而市場對QE3嘅期望又落空，股市下挫好正常。
不過睇番伯南克嘅講話，字裏行間其實冇完全否定推出QE3，雖然推QE3對經濟嘅刺激作用其實唔會好大，但對股市嘅刺激應該屬正面。
港股收21759，跌100點，日線圖現十字星，今日反彈嘅機會唔細，不過22000關有阻力。
東風C輪29684：東風集團（489）收14元，跌0.4%。股價早幾日升番上10日同20日線樓上，技術形態轉好，噚日雖然反覆現陀螺，但全日走勢偏穩，短線有機會上試14.40元，破位睇15.60元，可以諗吓隻C輪29684。
隻輪現價19仙，2011年10月31日到期，行使價13.50元。溢價10%，引伸波幅49.6%，槓桿率7.4倍（有效4.5倍），正股升上15.60元，29684睇29.4仙，正股跌穿13.30元就沽咗隻輪。
俊樺