《墾丁直擊》
【第39屆港姐之缺點盡現】今屆港姐昨日到台灣墾丁拍攝第二波泳衣環節，14位港姐分別穿上一件頭及三點式泳衣，有料之人3號許亦妮、10號李天縱以及13號蔡慧欣皆穿三點式騷本錢，平平無奇的14號朱希敏則穿一件頭，上圍平上加平全無睇頭。現場陰天又落雨，大隊一度要等停雨才可拍攝，當港姐現身時，有四眼男以望遠鏡狂。
13號蔡慧欣腳短
經過首輪泳衣拍攝後，昨日眾港姐表現明顯較輕鬆，但穿泳衣上陣難掩身材缺點。許亦妮身形依然偏肥，故要挺胸收腹，反而搞到肋骨大過胸，相當礙眼。
擁有34.5D上圍的李天縱右邊出現「漏奶」情況，當她坐在羅仲謙駕駛的越野車上時肚腩明顯凸出，該車行駛時，車身不斷搖晃，嚇得她尖叫。羅仲謙煞車一刻，李天縱更險些仆前胸壓他，幸好她及時按着羅仲謙肩膊未有蝕底。蔡慧欣的三點式泳褲拉得較低，腰長腳短盡現，甚無美感。
港男7號肖偉退選
談到挺胸收腹，許亦妮否認兼自信爆燈說：「冇呀，我胸下面兩嚿骨一向係較大，我身材都幾完美。」然而，許亦妮上圍的睇頭顯然不及李天縱，對此許亦妮聲言不怕比較。另外，繼港姐12號王冠退出後，今屆港男7號肖偉昨日亦宣佈退選。
採訪：卓寶花 攝影：黃偉雄
若讀者知道今屆入圍港姐的底細，歡迎電郵至mailto:[email protected]報料。