千億新抱徐子淇終於為李家誠誕下慈姑椗，身在日本的舊愛洪天明獲悉喜訊，即隔空送上祝福，他昨日在電話中說：「恭喜，咪唔使做生仔機器！」
洪天明續說：「開心咪得囉，佢生多啲冇所謂，最緊要鍾意，唔鍾意生幾多追幾多個都冇用。佢兩公婆鍾意嘅話，生完可以再生，冇問題。」
娶周家蔚盼生B
下周五便37歲的洪天明，早前也宣佈今年迎娶港姐女友周家蔚，問到婚禮籌備進度，他說：「未搞任何嘢。」婚後會火速造人嗎？他說：「雖然我哋都ready想生小朋友，但唔會咁快，想過一、兩年婚姻生活先。」如果生小孩想生仔還是女？他說：「冇所謂，總之係我嘅就得。」採訪：比華利