許志安和鄭秀文（Sammi）復合後日前到日本旅行過二人世界，昨日他復工到尖沙嘴出席香港夏日流行音樂節記者會，音樂節將會在8月26及27日在紅館舉行兩場音樂會，首場是草蜢，尾場是安仔，適逢今年是張國榮55歲的冥壽，草蜢和安仔會演唱哥哥歌曲紀念。有傳安仔在日本之旅中，買卡地亞戒指向Sammi求婚，安仔表示沒有，指Sammi手上的戒指與他無關，行程中也沒有送禮物給女友。有指安仔包起Sammi今次遊日使費豪花20萬，安仔說：「唔係，大家都有互相請食飯，邊個有散紙咪邊個請，不過大家啲錢唔係一齊用。」
「唔知邊年」
安仔重申未有向Sammi求婚，但好友梁漢文（Edmond）踢爆他們疑似年尾好事近，安仔笑說：「佢講笑，我身邊全部人講嘅嘢千祈唔好做準則，一講大十倍，唔經大腦，唔會畀面同會作嘢。不過Edmond講得冇錯，佢話唔知邊年年尾，我都唔知。」安仔聲言未有結婚打算。
採訪、攝影：溫敏芝