有傳周柏豪媾過今屆港姐3號許亦妮，最近又有報道話佢專用SMS媾女，石詠莉同趙碩之自爆中過招，噚日柏豪喺商台受訪，話同石係同屆新人，嗰時有同所有新人以SMS做朋友，但冇同石詠莉約會。石詠莉同趙碩之將出寫真，問柏豪會唔會覺得被利用做宣傳？佢話：「祝佢哋大賣，如果我影響力幫到任何人都唔介意。」