李錦聯同谷祖琳噚日喺鑽石山出席日本嘉年華，之前李錦聯同女友Rachel嗌交，搞到掟手提電腦落街鬧上警署，雖然已雨過天青，兩人仲計劃結婚，但講起女友，李錦聯就話前晚女友又發嬲整爛佢副眼鏡：「我咪話唔得囉，叫佢整爛返自己嗰副，佢都有整爛，之後咪死死地氣配過。」李錦聯話女友仲未買返部電腦畀佢，佢哋嘅相處方式真係獨特。