飲一啖即暈
主菜、甜品都可以玩層層叠，但雞尾酒又可以點玩？在錦糸TobuHotelLevantTokyo頂層的SkyNotes酒吧，一行入去，右邊有無敵天空樹美景，左邊則可飽覽下町街景，單是城市景已叫人陶醉。不過酒吧怕客人未夠醉，再推出酒精達63.4度的「電波プラ天晴」雞尾酒，以天空樹的藍白為色調，試飲一小啖，企起身即見少少頭暈，這樣半醉半醒欣賞日落塔景，真係靚啲喎！
老舖名物奮戰
創業50年，以自製蕎麥麪成名的老店都宣佈加入高塔戰陣！名店去年10月已率先以100%日本大豆製作的腐竹，捲成蕎麥塔做蔬菜沙律（約$178）。到今日戰況白熱化，惟有以其聞名的3款天婦羅：饅魚、鮮嫩大蝦和新鮮墨魚，炸成3大長條砌成仰天巨塔，以炸蕎麥麪纏頂扮展望台。
可愛朱古力塔
隱沒在街角的可愛小餐廳，由母女倆打骰。以窩夫、鮮香蕉片、雪糕、雪糕筒和朱古力百力滋做成的可愛SkyTree，兩個「展望台」是由阿女細心切出再挖洞，仲有11種不同果醬口味任擇，好好味！
趁熱鬧卷蛋
商店街上的這家洋菓子工房サン囗モン，向以軟熟草莓忌廉蛋糕聞名，今次索性將名物忌廉卷蛋都印上高塔印助興。最初還得早一日預約，試過日賣40條，因好多人衝入來空手而回，所以現在每日有12-20個現成卷蛋放店內作walk-in發售。
迷路@天空樹！
天空樹身處昔日的鐵路總站墨田區，寧靜小町小巷老店難尋，除可用googlemap或Apps定位外，地鐵的鐵道員都會細心引路。或先去吉祥物ぉしなりくん的家（觀光案內所），有免費熱茶，還有紀念品及旅遊資料提供。
SkyTree官方網頁 http://www.tokyo-skytreetown.jp
ぉしなりくん的家
地址：墨田區業平2-15-6
電話：（81）03-67519811
交通：地下鐵押上站A2出口步行約4分鐘