新股遇冷鋒兼遇颱風，呢趟招股混戰邊隻跑得出，要睇實力夠唔夠堅嘞！華華翻閱近排招股公司嘅招股書，發現中國服飾（1146）雖然唔算大隻，但股東背景就幾撐得住！中國服飾嘅主要股東係名牌私募基金CEC，而CEC嘅創辦人之一就係中國服飾主席路嘉星（圖）。星哥咩「哥利」？2004年哈爾濱啤酒收購戰，係佢嘅代表作之一！當年CEC係哈啤主要股東，美國安海斯啤酒同南非啤酒爭哈啤，最後安海斯用天價每股$5.58爭贏，而CEC最後有9億落袋成為大贏家。
講番中國服飾，除咗星哥，股東仲有紅籌之父梁伯韜、TommyHilfiger品牌擁有人曹其峰（即係曹光彪個仔）、Chanel家族基金Mousserena同埋IDG資本等，咁星光熠熠嘅陣容，應該撐得起啩！