無綫總經理陳志雲涉嫌受賄及詐騙公司案於昨日開審，在證人名單榜上有名的楊怡，昨表示未知是否有需要上庭。提到有指志雲有機會庭上被爆同性同居關係，楊怡初笑言留待在報紙看，不過為免講多錯多，即轉口稱只想八卦藝人身價。
楊怡、馬國明和羅仲謙等人昨日在電視城為新劇《OnCall36小時》試造型，在志雲案件中是其中一名證人的楊怡，被問到出庭日期時，她說；「係咪今日（昨日）開始呀？其實係應佢哋需要，我係有接到通知，但係唔知需唔需要，我諗機會一半一半喇，總之平常心，可能未必需要，交畀公司安排。」
私事不多管
提到藝員有可能會被迫自爆身價時，她笑說：「我哋唔使上庭都成日曝光啦，如果我真係要上，咪提早少少去聽吓人哋，不過呢啲都唔係問題，如果有需要咪出現。」有指志雲的同性同居關係或會曝光，楊怡笑說：「我唔知喎，私人生活唔關我哋事，我哋只係工作上合作，出席只係提供到一啲工作嘅資料，其他嘢留番喺報紙睇。」未知是否怕講多錯多，楊怡改口風笑稱只想八卦藝人身價。
劇中飾演醫生的羅仲謙專程由台灣回港試造型，活動過後又趕回台灣繼續港姐的外景拍攝，問到今年港姐的三甲心水，他說：「真係好難揀。」
臨記頻中暑
此外，忙於拍《回到三國》的馬國明，透露日前有臨時演員中暑入院，他說：「喺外景場地有二個臨時演員、一個武師中暑入院，好彩呢部戲去到月尾拍完。」外事部副總監曾醒明證實有臨時演員中暑入院，不過診治後無大礙已出院，據知導演安排演員在外景車上休息，現場也提供足夠食水。採訪、攝影：何慧斯