主旋律電影《建黨偉業》噚晚喺灣仔會議展覽中心舉行慈善首映禮幫公益金籌款。一班演員包括扮袁世凱嘅周潤發、做毛澤東嘅劉燁同埋楊穎（Angelababy），連同兩位導演黃建新、韓三平同埋發嫂等人都有出席。會場就擺咗毛澤東同周恩來個蠟像俾人影合照。
「做乜收埋佢」
發哥接受訪問時大讚演蔡鍔將軍嘅劉德華越嚟越後生，佢話：「佢仲好有型，仲後生過舊時。做毛澤東我演唔嚟，今次拍得好開心。」講起有傳張栢芝將兩個仔放喺加拿大，作為萬一離婚嘅談判籌碼時，發哥就話：「唔係呀，升學咋，我哋未來之星喎，做乜要收埋佢呀。」至於被人偷影發哥反而冇咁緊張，因為佢話自己唔會唔着衫通屋走同埋廁所位置好隱蔽。Angelababy嘅男朋友黃曉明獲電影獎項時，Baby冇正面回答，只係話：「恭喜咗佢，好事我都會同朋友SMS分享。」但當話到人哋公開承認咗女朋友關係嘅時候，Baby就唔敢接口，只係話：「我唔會講大話，但就會唔答囉。」兩個人嘅關係好明顯。
另外，喺《建黨》有一秒出鏡嘅胡杏兒話好慶幸冇俾人剪走，台上仲無視發嫂嘅存在同發哥抱抱。