鄭融前晚在九龍灣舉行音樂會，好友薛凱琪（Fiona）及連詩雅等撐場，穿上緊身褲及透視裝的鄭融脹爆登場，腳踏5吋高踭鞋的她又唱又跳，但她卻兩度險些在台上仆倒，幸有工作人員和男粉絲扶住才有驚無險。
前晚是父親節，鄭融特別在獻唱《單車》送給父親，之後又演繹Fiona的《除下吊帶前》，台下的Fiona聽完喊住大讚好聽，鄭融更預告明年1月進軍紅館。事後鄭融接受訪問時大讚Fiona說：「佢對我好好，之前陪我食飯按摩，頭先佢喊都唔敢望，費事自己都喊。」至於為何不邀請外籍男友時，她說：「同fans好耐冇見，都唔關佢事，拍拖同工作分開，今晚唔想佢喺度。」採訪、攝影：李珮洳