【本報訊】「冇阿伯幫手，阿女可能冇命」，被吊櫃壓着險死女童的父親，向救人吳伯千多萬謝，感激地握着吳伯雙手。吳伯則指，鄰居要守望相助，並笑言在救人的時候，「啲力唔知點嚟」。
女童父親上門道謝
陳父表示，女兒今次大難不死非常好彩，「佢玉鈪碎咗，同佢擋咗一劫」，陳父指家中有拜觀音，有神靈保佑兩母女才可逃過一劫，所以將會還神。他亦特別多謝吳伯，到吳家向他道謝，不停講「多謝晒、唔該晒。」吳伯表示，隔籬鄰舍要互相幫助，並指救到人好開心。
祖籍福建的吳伯，20多年前來港定居，曾任職地盤及運輸，早已退休，現與妻同住，平日愛寫書法，間中亦有運動，事發時他正在寫書法，聽到救命聲趕至陳家，見情況非常危急，「個櫃好重，我起勢出力搬，搬極都唔郁」。
吳伯說，當搬開櫃救出女童時，見她沒有明顯受傷，並懂得哭叫，知她沒有大礙，「見佢冇乜事，我個心至定啲」。他又指出，平時自己不是很大力，當時只顧救人，用盡氣力搬櫃，終將其搬開，「啲力唔知點嚟」。吳妻亦打趣說，「佢（丈夫）平日行路冇力，救人咁大力」。