一連三場的林子祥VintageLamusic演唱會前晚在紅館圓滿結束，由於前晚是父親節，阿Lam獲子女上台獻花，他又在台上感激母親遺傳長氣功及一頭濃密頭髮，其90歲母親在台下聽歌聽到手舞足蹈，認真老當益壯。
現年63歲的林子祥前晚在紅館舉行「林子祥VintageLamusic演唱會」尾場，到場欣賞的嘉賓包括朱玲玲、羅康瑞、黃耀明等，朱玲玲更充當攝影師，全程拿住長鏡拍照，阿Lam老婆葉蒨文就繼續留守控制台。阿Lam還邀請心目中的英雄到場欣賞個唱，當中包括鄭國江、羅蘭、余慕蓮等。
答謝父母恩
前晚是父親節，阿Lam一出場就向觀眾大講父親節快樂，之後他的一對仔女都上台獻花給他，阿Lam在台上說：「自己老竇唔鍾意講嘢，所以自己都唔鍾意講，講完老竇就講阿媽，多謝媽咪你生我出嚟，我咁好氣都係由佢嚟，多謝你生我咁多頭髮。」得愛兒公開答謝，安坐台下的90歲母親也激動得搶咪連聲說多謝。其母在台下聽歌時十分投入，更手舞足蹈邊聽邊跳舞，認真老當益壯。
同老婆冇計
唱足三場的阿Lam前晚出席慶功宴時變得聲沙沙，他接受訪問時坦言事前並不知道一對仔女會上台，他笑言自製賀卡好過收禮物。
阿Lam前晚兩度安哥，他自言有兩晚都超時15分鐘要罰錢。每晚葉蒨文都留守控制台撐場，問到為何不邀請她上台合唱，阿Lam即說：「唔會有嘉賓，有嘉賓成個騷冇咁勁，今次係同歌迷過35周年，如果有嘉賓會影響成個騷節奏，Sally日日都會同我調聲，佢熟啲，唔使報答佢，第時佢開騷我幫番佢就得。」
採訪：胡比 攝影：仇志德