【本報訊】2011年3月23日是岑智明難忘的一天，當日中午秘書電郵通知他獲升任天文台長，但他一直不知，因其85歲母親病重，當晚去世，「到第二日睇電郵先知，同事都唔敢打電話畀我，心情係百感交集」。因早已側聞會「坐正」，因此「有同佢（岑母）講，佢好開心」。政府在同月30日正式公佈任命。
「做好心理準備俾人鬧」
天文台長須入住總部宿舍，以便隨時作出指示，成為岑一大難題。他現與妻子和近90歲父親居於中環半山，「佢（岑父）行動不便，要用枴杖，呢度有斜路，唔方便佢行」。暫打算今年風季後才搬入宿舍的孝順仔岑智明，想過做「太空人」自己住宿舍，在圖書館工作的妻子則留在中環照顧父親，但未有定案。
岑智明現年47歲，是最年輕華人台長，他則指65至81年當台長的鍾國棟（GordonJohnBell）應比他年輕。林超英和李本瀅任內均受公眾批評，岑說：「做好心理準備要俾人鬧，已經睇多咗佛經。科學唔係咁易講得明。」