其實我求大俠都知男人成性風流，但識女仔真係小心啲，如果搭上名人嘅前女友，實俾人唱通街。好似《世界新聞報》就爆料，成日穿梭美女之間嘅曼城前鋒巴洛迪利，今次就搭上傳言係基斯坦奴朗拿度（C朗）嘅舊情人拉菲拿費高（圖）。之前有講過巴洛迪利想喺英國湖區唞暑，但始終死性不改，暑假都未過一半就故態復萌，約咗靚女去意大利個主題公園玩樂。不過佢嘅拖友好衰唔衰係C朗舊菜，就算巴洛迪利自己唔介意，佢今次都好難唔俾其他人講一排嘞。