希臘債務危機近日再度成為全球焦點，違約風險睇嚟越嚟越大，為歐美銀行帶嚟好大嘅潛在威脅。
歐盟兩大成員國首腦德國總理同埋法國總統上禮拜五會面之後達成共識，令希臘債務危機出現轉機帶嚟一絲希望，花旗股市借勢反彈。德法提出嘅所謂「維也納模式」方案其實會被視為違約安排，根本解決唔到問題，相信市場好快會再炒希臘違約，港股仲未擺脫弱勢。
國航C輪11266：中國國航（753）上日平收7元，股價曾逆市升上7.24元，收市前回順，成交大增，以上周嘅整固形勢睇，配合油價回落，國航短線有機會開展反彈，上試7.80元，破位看8.60元，可以諗吓隻C輪11266。
隻輪現價14仙，2012年10月30日到期，行使價8元，溢價34.3%，引伸波幅54.4%，槓桿率5倍（有效2.7倍），正股升上8.60元，11266睇23.9仙，升幅達7成，正股跌穿6.40元就沽咗隻輪。
俊樺