鍾楚紅、劉青雲、薛凱琪及方大同等前晚齊現身灣仔演藝學院，出席法國時裝品牌agnèsb.時裝騷，一向是該品牌之友的紅姑以美艷造型，與品牌男高層手拖手現身。
紅姑受訪時透露很喜歡法國：「一年會去巴黎一、兩次，因為有朋友喺嗰度住，喺巴黎會行吓街、去吓farmersmarket、玩煮飯仔，所以想出烹飪書。」記者問紅姑有否留意法國猛男？她說：「喺法國太多嘢做，要shopping、行博物館，冇諗呢樣嘢。」紅姑直言法國猛男不是她那杯茶：「不過佢哋好叻，好識欣賞女性。」
青雲視紅姑偶像
此外，青雲指紅姑是其偶像，問青雲會否想與紅姑合作？他說：「隨緣啦，如果發哥同紅姑再拍戲，我一定會睇。」剛與梁朝偉拍完電影《大魔術家》的青雲說：「好多年冇同偉仔拍戲，再撞番估唔到大家都要用普通話做戲。」
採訪：梁錦雯
攝影：陳俊強
