林子祥（阿Lam）前晚在紅館開騷，他獻唱《追憶》時現場播放他父親等五代人的照片，他感觸得三度入不到歌，邊唱邊落淚。曾在紅館跌落台的阿Lam又站在台中央的升降架升起，實行要在跌倒的地方升高。
林子祥前晚在紅館展開三場個唱，有盧冠廷、李香琴、胡楓及陳小春等捧場，阿Lam母親、太太葉蒨文、子女林德正及林德懿都有到場打氣。阿Lam以回憶35年入行日子作主題，獻唱多首金曲，向與他合作的音樂人致意，及緬懷逝世的藝人好友。
懷念林振強
本報昨報道林燕妮患病入院，阿Lam在個唱中也有懷念林燕妮胞弟林振強：「佢幫我編咗60幾首歌，好miss佢。」然後唱出《每一個晚上》。阿Lam也有唱與潘源良、鄭國江及已故的JoeyV.等音樂人合作的歌，他唱《最愛是誰》時，走到觀眾席與也曾唱《最》的盧冠廷擁抱。唱《常在我心中》時，阿Lam再懷念一班已故藝人好友，如張國榮、沈殿霞、陳百強及黃家駒等。
之後，現場播放阿Lam的太爺、爺爺、父親，以及阿Lam與兒子的相，然後阿Lam唱《追憶》慶祝父親節，但他唱三次都不成功，邊唱邊落淚，他說：「睇完啲相諗到好多嘢，唱唔到。」唱罷阿Lam走到觀眾席與媽媽擁抱，並叫觀眾送掌聲給媽媽。
踩上升降台
阿Lam又說03年很倒楣：「好多朋友走咗，差啲連我都唔喺度。」現場播當年他任汪明荃個唱嘉賓時跌落台受傷的報道，阿Lam謂：「嗰時喺呢個位跌，家喺呢度升番上去。」同時升降台將他升高一層樓左右，阿Lam再獻唱《在水中央》，而他唱《三人行》時，亦找來當年合唱的劉天蘭與導演黃真真胞妹詩詩上台獻唱。
採訪：李珮洳
攝影：陳慧安