林子祥（阿Lam）喺紅館嘅演唱會前晚舉行第二場，洪金寶夫婦、鄭丹瑞夫婦，同埋朱玲玲都有捧場。阿Lam以黑皮褸、黑恤衫配黑褲嘅型仔look出場，贏盡觀眾喝采。到安哥部份，阿Lam本來想邀請鄭丹瑞上台，但係鄭丹瑞話怕會感動到喊而唔肯就範，反而阿Lam自己唱唱吓就忍唔住喊。最後阿Lam兩度安哥，全晚演出先圓滿結束。