江若琳前日喺廣州出席佢做女主角嘅電影《浴火鳳凰》嘅記招，當日陽光猛烈，加上江若琳之前眼角膜受過傷，所以其間狂流眼水，但佢為咗尊重大會堅持唔戴太陽眼鏡。《浴》片係為紀念辛亥革命100周年而拍，江若琳話事前做足準備：「今次為咗拍呢套戲專登去圖書館溫書，好懷念校園嘅感覺，拍呢套戲亦喺其他演員身上學咗唔少嘢。」