最近睇到八卦雜誌話，做「乾物女」做到深入民心嘅25歲女星綾瀨遙，同新戲拍檔46歲嘅堤真一搭上咗，除咗話堤真一可以做綾瀨老竇外，又話佢外形唔掂等。不過，我就唔多認同，因堤真一好有男人味，而且演技一流，做《大和撫子》入面嘅戇直賣魚佬又得、做《容疑者X之現身》嘅情深教授又得，而個人最鍾意，就係佢喺《GoodLuck》入面嘅嚴格機長，每當聽到佢同木村拓哉話「講到唔受歡迎，我認咗第2都冇人敢認第1」呢句金句，都覺得好正。
講到唔受歡迎，英格蘭喺U21歐國盃冇場好波，亦令捧場客唔多歡迎佢哋，不過喺周日對捷克場生死戰，幼獅非勝不可，點都會踢一場好波。
吾中
星期日23
英格蘭U21vs捷克U21
心水：英格蘭U21勝
心得：幼獅係時候露真身