近排暫時放低日劇，改煲三色台套舊劇《他來自江湖》。廿年前第1次睇嘅時候，仲以為個戲種係屬於江湖片，點知原來係一套有好多笑位，同講親情及愛情嘅劇情片。啲人都將注意力放喺飾演何鑫淼嘅周星馳身上，但其實萬梓良都係另一個亮點，事關佢冇用好誇張嘅手法去演明天呢個角色，一啲都唔令人厭惡，仲同星爺同扮佢阿媽明師奶嘅李香琴好有火花㖭。當然，梗係唔少得當時蓄鬈長髮留晒鬚、走型男路線嘅黃秋生啦。
懷完舊，梗係要展望一吓未來。幼獅喺今屆U21似乎唔多對辦，但佢哋始終有質素同經驗，信佢哋贏到捷克而連續第3屆殺入4強，就捧主W。
青蛙仔
星期日23
英格蘭U21vs捷克U21
心水：英格蘭U21勝
心得：幼獅高對手少少