【本報訊】20歲的梁小姐現時與父母居於觀塘區的舊樓，約400方呎的單位月租5,000元，去年她曾與父母以白表申請最後一期居屋，但因為太多人認購，未能抽中。她認為，樓價已被炒至極不合理水平，支持政府復建居屋，讓夾心階層可以「上車」，圓置業夢。
「同屋企人一直想買樓，唔想租樓，但實在太貴（樓價），根本負擔唔到，舊年諗住申請居屋，心水買油塘嘅，加上見到樓市不斷升，雖然單位又細又貴，都想博一博，但都抽唔中。」梁小姐稱一直留意同區樓盤，但都因樓價高企而卻步，對復建居屋極有憧憬。
多次交白表未抽中
何太一家5口現時以月租8,000元租住九龍城一個約700方呎的單位。何太指出，家庭月入大約3萬元，已經超出申請公屋的資格，但多次遞交白表申請居屋都未能成功抽中。
近年樓價不斷飆升，通脹又升溫，家庭開支越來越大，根本難以儲足樓價的首期：「復建居屋就最好，樓價高，業主又話要加租，我哋一家人幾年都搬咗3次，好想搵個安樂窩。」