【第39屆港姐之咪神再現】大熱是非港姐「大口江若琳」3號許亦妮（Whitney）前日隨港姐大隊到台灣拍攝外景，日日有新仔爆出的Whitney自然成為風頭躉，就連昨日大會公佈三圍數字，Whitney都以35吋咪咪力壓其他13位佳麗。
無綫《2011香港小姐競選》14位候選佳麗昨繼續在台灣拍外景，無綫昨亦公佈佳麗三圍數字，仔女王許亦妮以35吋上圍力壓其他佳麗，成為今屆港姐咪神。
認曾戀楊嘉杰
眾港姐昨先到北投溫泉公園拍攝，1號甄敏婷、2號關曉琳及Whitney示範浸溫泉，不過穿運動服的三人僅試浸腳供拍照。風頭躉Whitney自參選以來已被爆愛有錢仔，男友名單不斷增加，並被指曾有11名男友，前日本報踢爆她曾與楊受成胞弟楊海成的細仔楊嘉杰拍拖，但兩人拍拖不久就分手，之後Whitney火速搭上楊家世交、健身中心太子爺陸征宏（Elson）。
昨日Whitney直認曾與楊嘉杰相戀：「幾年前嘅事，過咗去唔想提，係事實會認，分手係大家有大家嘅選擇。」問Whitney是否見過家長？她只說楊的家人很友善，並表示：「拍拖係正常事，同男仔合照亦好正常，唔覺得負面，我已經多次回應冇咁多男友，只有兩個係真（未計楊嘉杰）。」她亦沒正面回應與楊分手後是否撻着Elson，更指再被爆第四名男友也沒所謂，又澄清男友富有屬巧合及緣份。
5號朱晨麗有男友
另外，5號朱晨麗外貌與陳法拉相似，她自言開始習慣選美生活，對於Whitney多緋聞，朱晨麗說：「佢私人嘢唔知，以我所知，佢為人幾好。我唔會有花邊新聞，因為我有穩定嘅男友。」13號蔡慧欣面對鏡頭表現緊張，答問題時口窒窒，但她強調不會影響自信。
此外，眾港姐和羅仲謙昨傍晚到西門町著名手信店老天祿食滷味，眾人食得津津有味，未受台灣食品「塑化劑」問題影響，朱晨麗說有點擔心，但會盡量避免飲膠樽裝飲品及珍珠奶茶。
採訪：卓寶花 攝影：黃偉雄
若讀者知道今屆入圍港姐的底細，歡迎電郵至mailto:[email protected]報料。