黃宗澤(Bosco)與胡杏兒拍拖多時,「同居」樓上樓下也不是秘密,女方更不時到男方家宿一宵。昨日就有周刊拍得Bosco和杏兒在家中共敍,驚人的是Bosco在杏兒未出現前,赤條條通屋行,另一日Bosco又赤條條在家中活動,更一手按着小Bosco,一手拉窗簾。
「我有阿媽生o架」
記者昨致電Bosco和杏兒,杏兒只謂「唔回應。」黃宗澤則說:「我喺自己睡房,冲完凉,未着衫都OK吖。我想講一句,我有阿媽生o架!件事已經超越我底線,其他嘢唔想講,家同公司商量緊點處理。」有指他當日與杏兒有親熱動作,他未有正面回答:「大家住樓上樓下,成日都會去對方屋企食飯。」
黃宗澤承認為此不開心,日後會否長拉窗簾防偷拍?他說:「只能夠小心啲,我係藝人唔係坐監呀,我想喺屋企有自由,唔通以後返房包到實咩?我阿媽都會喺房換衫啦,大家尊重吓啦。」無綫昨晚發聲明,指有周刊偷拍旗下藝人在家中的情況屬侵犯他人私隱,會保留法律追究權利。
晚上黃宗澤返將軍澳電視城拍《潛行狙擊》,他稱無綫發聲明是高層樂易玲決定,杏兒也有致電慰問他,提到有女粉絲爭睇其裸照,他只強顏歡笑,又自嘲曾將該雜誌拿給台前幕後看。他強調不會搬屋,問他會否乘勢公開戀情?他說:「遲啲先講,家冇乜心情呀。」
採訪、攝影:夏琴、楊潔雯