基斯坦奴朗拿度（C朗、圖）同皇馬班隊友個個身價不菲，攜手充當旅遊大使，拍片宣傳西班牙馬德里巿，落力講下有乜旅遊勝地同埋吃喝玩樂，可謂「群星拱照」馬德里巿。本身係葡萄牙人嘅C朗話，最鍾意馬德里嘅天氣，同埋讚馬德里嘅人好似葡萄牙人咁不分你我，仲推介大家去行下SerranoStreet，又話自己閒時唔使踢波，會幫襯下當地唔同嘅食肆。靚仔中場卡卡就鍾意同兩歲嘅囝囝周圍去，推介大家去動物園；食方面佢話西班牙火腿係唔錯嘅選擇！德國嘅奧斯爾就大讚當地好多博物館、劇院同巿集畀大家行吓hea吓。呢招果然幾有效，有網民話睇完段片即刻想訂機票飛去馬德里。