梁漢文（梁炳）、鍾舒漫和王菀之前晚到將軍澳電視廣播城錄影無綫節目《勁歌金曲》，對於好友謝霆鋒和張栢芝傳婚變，梁炳表示日前已回應，他說：「唔想有任何意見，希望唔好講太多，亦都唔清楚來龍去脈，自己冇意見，家都係估估吓，呢啲係人哋嘅家事，唔好加意見，件事會更加複雜。」
梁炳又表示沒有詢問日前旅行回港的許志安和鄭秀文，更死撐自己沒有爆兩人年底的婚訊，更說：「邊有，玩吓啫，我哋啲騷成日都係咁，唔好咁認真，留番畀當事人講。」
梁炳昨日接受商台錄音訪問時，提及鄭秀文及許志安復合一事，認為他們應該好好享受現時拍拖的時刻，梁炳說：「佢哋咁公開真係躍進咗一大步，記者影就由佢影啦。」被問何時生BB？梁炳表示：「順其自然啦，家兩個人嘅生活過得好愉快，如果我做爸爸一定好緊張。」
鍾舒漫真空
此外，大露背的鍾舒漫沒有否認是否真空上陣，更自爆因為取得冠軍歌，打扮較隆重，記者提議她應將衣服倒轉前後，她即說：「呢啲太over，over咗唔好睇，夏天嚟到會性感啲，背心短褲都可以好靚。」
採訪、攝影：何慧斯